No More Voting for me... and my five reasons why...

Posted on 8:19 AM, under

0
     Kung ikaw ay magbabasa neto at nararamdaman mong hindi maganda ang titulo ng gawa ko, maari mo nang isara ang window na to at ipag patuloy na lamang ang pag browse sa facebook. Sa dalawang ulit kong pagboto marami na akong napansin at sapat na siguro na tumigil na sa isang gawain na ang tanging layunin lamang ay ipakita na kunwari ang mga mamamayan ay may kapangyarihang baguhin ang bansang ito.


1.  Politicians and It's Origin.

      - Alam niyo ba kung saan galing yang mga politikong yan? hindi naman sila instant cup noodles na lagyan lang ng mainit na tubig at within 5 minutes eh nariyan na para mangampanya, sa atin din naman nanggaling ang mga yan. Lumaki at hinubog sa Pamilyang Pilipino, Edukasyong Pampilipino, Relihiyong pampilipino at uri at sistemang pampilipino, bakit magtataka ka pa kung bakit naging ganyan kabulok ang sistema ng Pulitika sa bansa. "Kung ano ang tinanim yun din ang aanihin"


2.  Vote and Complain

     - Hindi ko lubos maisip kung bakit pagkatapos nating bumoto nagagawa nating mag reklamo sa mga kapalpakan ng mga politiko. Politikong minsang lumapit sa iyo nang nakangiti at nakikipag kamay, at matapos ang botohan ay hindi mo na malaman kung natupad niya nga ba ang tungkulin niya. Tayo din naman ang mga pumili sa mga yan, kaya wala naman talaga tayong karapatan para magreklamo sa mga maling ginagawa nila. 


3.  Heroes and when you need them

      - Nandun na tayo sa puntong lagi tayong nalilinlang ng mga matatamis na salita ng mga politikong iyan, pero may mga kumikilos ba para tapusin ang paulit ulit na sistemang nangyayari satin? wala! kasi walang naman talagang ganoong pilipino, abala tayo sa mga game shows tuwing tanghali at mga drama tuwing gabi, ni hindi nga natin nagagawang magreklamo sa mga balitang nilalathala sa telebisyon eh. Mas pinipili pa nating magbabad sa mall at kunan ng picture yung mga pagkaing binili natin.
4.  That's Entertainment!

         - Pinaghalong drama at action ang bangayan nila sa interview na ang labas naman ay komedya, mahilig kasi tayo sa mga drama kaya eto ang ugali nila ang mag away away sa harap ng lente ng kamera. Nagagawa pang magsuot ng magagarang damit bastos naman ang lumalabas na salita sa bibig. kulang na lang si kuya germs para "Walang Tulugan!"


 5.  It's rigged and meaningless

     - Wag na nating ipasok ang aspeto ng dayaan, harapin na natin ang katotohanan na "Walang natatalong Pulitiko sa Pilipinas lahat sila nadadaya". Hindi lang naman sa aspeto ng panlilinlang sa bilangan at pagbebenta ng boto ang pandaraya eh. Nariyan ang "Mind Conditioning" ginagamit ang media para makapagbalita ng track record at achievement nila, ang "Survey" nagbibigay impact din sa mga tao para makapag isip at baguhin ang desisyon nila for the sake of "sunod sa uso". Ang panghuli ay ang "kabobohan/katangahan ng publiko" hindi na tayo natututo sa mga sakunang minsang dumaan na sa atin, ang mga karapatan at benepisyo na unti unting ninanakaw satin ng mga mismong taong kumatok sa pintuan niyo para hingin ang mga simpatiya ninyo sa darating na eleksyon.

      Pagkatapos ng botohan at nadeklara na ang mga nanalo, galit galit na ulit wala nang pansinan na parang walang nangyari. Balik ka na ulit sa normal mong buhay kung saan sinusubaybayan mo ang mga rebelasyon ng susunod na episode ng paborito mong telenobela at pumunta sa mall para sa iyong "Venti Mocha Frapuccino with Watermelon seeds"

edit post

Capital Punishment

Posted on 8:55 AM, under

0

    Sa pataas na pataas na krimen sa bansan natin, natataon na bang ibalik ang "Death Penalty" o "Parusang Kamatayan"? Sabi nga ni Secretary De Lima "Death penalty is not the solution to criminality. What deters criminality is faithful and diligent enforcement of laws and due administration of the criminal justice system without fear or favour", tama nga naman kung mabibigyan ng maayos na pagpapatupad ng batas maaari nga naman nitong pabababain ang kriminalidad na bumabalot sa lugar natin. Hindi na natin kailangan ng "Death Squad" o "Vigilante" para linisin ang lugar nating binabalutan nang masasamang elemento. Pero ang tanong, naging epektibo ba ang "Reclusion Perpetua" o ang tinatawag nilang "Lifetime Imprisonment"? Nagagawa ba nating parusahan ng wasto ang mga kriminal? Nagagawa ba nating takutin ang mga nagbabalak gumawa ng krimen?

Epektibo ba ang "Lifetime Imprisonment"?

    30 hanggang 40 taong pagkakabilanggo, kapag naging good boy/good girl ka at hindi ka napatay sa loob o pumatay habang nasa loob pwede kang palayain ng mas maaga pa. Pwede kang magsimulang muli na magbagong buhay, pero hindi ka nga lang makakahanap ng agad agarang trabaho kasi nga "ex-convict" ka. Hindi mo rin maiwasang mahusgahan ng mga kamaganak at mga kapitbahay mo, at dahil sa bagong laya ka mataas ang posibilidad na maraming matakot at hindi magtiwala sayo.

Napaparusahan at Natatakot ba ang mga Kriminal?

    Pagpatay (Sinasadya man o hindi), Panggagahasa at ang pagkakaroon, paggamit at pagbebenta ng ipinagbabawal na gamot. Ito ang mga krimen na may gawad parusa ng "reclusion perpetua". Kapag napatunayan ng hukuman ang kasalanan mo, pinakamababa na ang tatlumpung taon na paghimas mo sa rehas na bakal. Naisip ko lang ito bang mga gumagawa ng "Henious Crime" na ito, sa tingin niyo ba nagagawa pa nilang matakot sa parusang "Habangbuhay na pagkakabilanggo"? Sa palagay ko eh hindi, masyadong magaan ito at hindi tumatayo ang mga balihibo ng isang kriminal na handang kumitil ng buhay para sa pansarili niyang adhikain. hindi yan takot mamatay kasi nagagawa na nga nilang ipagsapalaran ang buhay nila sa kalsada, hindi na nila alintana ang bangis ng lungsod at handa na sila mamamatay. 

Solusyon

     Kung gusto niyo ng may natatakot isama mo sa Death Penalty ang "Graft and Corruption" at "Money Laundering" sa lahat ng mga pulitikong may katungkulan sa Gobyerno. Yan ang mga taong takot mamatay, kasi malakas ang loob nilang magnakaw sa kaban ng bayan at pag nabibisto sila bigla silang nagkakasakit. Ang sakit ay nagiging malubha at sa sobrang lubha nito kailangan nilang dalhin sa ibang bansa para ipagamot. Ganyan katindi ang takot nilang mamatay. Handa silang umubos ng limpak limpak na salapi para lamang gumalng sa biglaang karamdaman na dumadapo sa kanila, kasabay ng mga kaso ng katiwalian na kinasasangkutan niya. Kapag isinama ang mga ganitong krimen hindi na din magiging epektibo ang "Lifetime Imprisonment", gagawin lang nilang bahay bakasyunan ang selda nila. Nakakulong habang may aircon, TV, Ref, washing machine, videoke machine at Mini Bar ang loob ng selda nila. Walang pinagkaiba sa dito sa labas nagagawa paring mag enjoy, habang nagtitika sa mga kasalanang nagawa niya. Mas maiging gawing "Capital Punishment" na ang ay "Death Sentence", ika nga ni Mario Puzo "Revenge is a dish that tastes best when served cold." dapat lang na patayin ang mga nagkakasala at nagtataksil sa mga mamamayan na pinaglilingkuran nila. At dahil sa kapos tayo sa budget sa mga Bala para sa Firing Squad, mataas na singil ng kuryente para sa Silya Elektrika at Magastos ang pagbili ng Chemical para sa Lethal Injection, pwede nating gawing "Old School" ang pagbitay gamitin natin ang "Garrote". 

      Epektibo walang konsumo sa kuryente, walang balang masasayang at walang chemical na bibilhin. Sasakalin mo lng siya hanggang sa matanggalan ng hangin sa ulo at ayun tapos na, malinis na malinis walang pagkakagastusan ng malaki. Pero teka lang sa kadahilanang hirap tayong lumikom ng budget para sa pagpapaunlad ng ating bansa, isa narin sigurong magandang oportunidad ito upang mapalago ang Budget ng Pilipinas. Bakit hindi natin itelevised ang pagbibitay para maka kuha pa tayo ng mga sponsors, at dahil sa magiging maintriga ang programang ito mas maganda kung ang pagpapalabas nito ay kasabay ng mga Telenovela. Paniguradong tataas ang Ratings at isang magandang oportunidad narin para dumami ang mga mag pa plug ng commercials nila. Sa ganitong paraan maaring dumami ang nalilikom nating budget at maging senyales narin ng pagunlad ng ating bansa, Isipin mo pinapatay mo ang Kurakot at Nakakalikom pa tayo para sa Budget ng Pilipinas. 

    Matagal nang nadungisan ang mga kamay natin, matagal na rin tayong nagiging tanga o nagtatangatangahan. Kung kumitil man tayo ng buhay ay sa kadahilanang 'masyado na tayong napupuno sa lahat ng panggagago na ginagawa satin, hindi na kailangang maging malambot at magbigay lugar sa awa. Oras mo na maging berdugo at tapusin ang katarantaduhang ito.

edit post

That's what i hate for Christmas

Posted on 7:16 PM, under

0

Call me the Grinch, Scrooge, an Entity that hates Christmas Season or to be much more to simplify call me "KJ". Pero hindi ba parang nakakapagod na yung ganitong season? taun taon madalas mong maencounter yung mga ganitong pangyayari, to the point na kinasanayan mo na. Ang makasanayan ang taun taong mga pangyayari tulad ng mga to:

The Traffic Jam - Magkabilaang sikip ng sasakyan, kung motorista ka ulo at itlog mo ang iinit sa sobrang bagal ng usad ng mga ito sa lansangan. Matagal nang may traffic given na naman yun eh, ang hindi ko lang magets eh ang dahilan ng pagiging exaggerated na sikip ng traffic na eto na mula sa mga susunod kong tatalakayin.

Sale Shopping Spree Madness - Midnight Sale, Bazaar, 3 Day Sale at kung anu ano pang mga offer na binibigay ngayon ng malls, basta lang makabili ka ng mga bagay na pag uwi mo eh pagsisisihan mo din kasi nga wala rin pala siyang silbi sa buhay mo. Yung lohika ng pag konsumo ng mga bagay na hindi naman ganun ka importante at hindi magkakaron ng malaking pagbabago ng kaginhawaan sa buhay mo. Just for the sake of sale? special offer? bakit hindi ka na lang pumunta sa cashier ng mga malls at ibigay yung pera mo since hindi mo naman ata alam kung paano yan pahalagahan at madali ka nilang nauuto sa mga "Special Offer" nila sayo.

Shitty Taxi Drivers - "Saan po kayo ser/ma'am?","traffic po dun eh hindi po ako dadaan dun" at "plus 50 pesos po". Dahil nga sa masikip na daloy ng sasakyan, paglabas pasok ng mga ito sa mga malls at pag hahatid at sundo sa mga pasyalan. Nagiging Mapili na sila sabi nga ng isang kaibigan ko yung nakasulat sa mga taxi nila na "any point from luzon" ay dapat nang palitan ng "any point from what i prefer". Sasamantalahin ang mga may mga dalang bata, mabibgat na bitbitin at yung mga nalasing na dahil galing nga sa party. Magpapadagdag ng 20 o kaya 50 kesyo ganito at ganyan, hindi na lang sabihin na "ma'am/ser dahil po sa magpapasko pakidagdagan na lang po yung ibabayad niyo".

The Gift of Giving - "It's the thought that counts", "Season of giving", "Season of Sharing" at "Exchange Gift". Kung magreregalo ka dapat lahat bibigyan mo, pagbibigyan mo lahat dapat pantay pantay para hindi magselos yung iba. "The Gift of Giving" hindi bukal sa kalooban mo ang magregalo, obligado ka! yun ang totoo kasi nga nageexpect ka na may magbigay sayo at yung binigyan mo eh obligado din magbigay, para walang "kahiyaan" para hindi ka masabihan nang "Nakakahiya naman to binibigyan ng regalo tapos hindi nagbibigay" at pagkatapos mong magbigay makakanchawan pa yung mga regalo mong tuwalya, panyo, wall clock, picture frame at kalendaryo. Tapos biglang babanat ng "It's the thought that counts" hindi ba parang katangahan yun?? thought that counts?? kapag nasira ok lang sayo kasi bigay naman. thought that counts?? pag natanggap mo at alam mo sa sarili mo na hindi mo nagustuhan eh. thought that counts?? perahin mo na lang hindi ka pa nahirapan kakaisip ng regalo para sa kanila.

Isama mo pa yung masisikip na pasyalan, mga namamaskong holdaper at yung mga nanay ng inaanak mo na well trained na kung paano lumapit sa mga ninong at ninang. nakakakamot ulong isipin na yung term na "Pasko" eh panahon ng pagbibigayan, hindi ba parang kaplastikan yun? yung pagiging generous mo eh "seasonal", at kailangan mong pagurin ang sarili mo, ubusin ang pera mo at basta masabihan lang ng mabait at mapagbigay kasi nga mabait ka lang sa araw ng Pasko...

edit post

Ang pitong aral ni Bretto...

Posted on 8:38 AM, under

0
    Ang babasahing ito ay pagbibigay pugay sa taong may kagila gilalas na talento sa mabilis na paggawa ng tulog, matulog sa upuan at mag ingay habang tulog, ang mga sumusunod ay ang mga aral na maaari mong gamitin sa pang araw araw: 



Una: "walang mas nakakaangat pa sa pagkatao mo tayo ay pantay pantay..."


 - hindi porke't ang sweldo mo ay tax lang ng sinasahod nila, kasing katawan niya si Derek Ramsey, o kasing gwapo niya si Piolo Pascual eh kailangan nang mas angat ang pagkatao niya sayo. Ang tao ay gumagamit ng kamay kapag kumakain at kamay din ang ginagamit pang hugas ng puwet pag katapos dumumi, walang pagkakaiba sa mga natural na gawain kaya dapat lamang ay magkaroon ng respeto at paggalang sa bawat isa.

Pangalawa: "wag na wag mong iyuyuko ang ulo mo sa harap ng ibang tao"

 - Inilathala niya sa unang aral ang pagkakapantay pantay ng pagkatao kaya't kailangan mong ipaglaban ang nasabing aral, ang pagyuko ng ulo at may kaharap na ibang tao ay isang uri ng hindi paggalang at isa ring senyales ng pagpapakita ng kahinaan at maari nilang gamitin ito laban sayo at yurakan ang moral ng pagkatao mo. 

Pangatlo: "maging kalmado sa mga hinaharap na suliranin"

 - "wag mauubusan ng composure" madalas niya itong sinasabi sakin, manatiling "focus" at wag mauubusan ng diskarte sa katawan. Ang mundo ay isang malaking palaisipan kaya kailangan mong magisip ng magisip hanggang magkaroon ka nang solusyon, isang magandang ehemplo dito ay ang mga lalakeng babaero at yung mga pulitikong madalas masangkot sa katiwalian sa gobyerno.

Pang apat: "magmahal lang ng isang babae at wag nang dagdagan pa..."

 - kasing cute mo man si John Lloyd o hindi, wag na wag kang mamamangka sa dalawang ilog. Ang kababaihan ay binibigyan nang matatamis na ngiti at hindi pinapaluha ang mga mata,  ano mang lakas ng tukso dapat marunong kang lumugar lalo na pag wala sa lugar yung itsura mo. Ang mga babaero ang dahilan kung bakit maraming babaeng nawawalan na nang tiwala sa mga tapat at magagandang lalakeng tulad ko.

Panlima: "wag na wag kang tatanggi sa mga biyaya"

 - wag kang mahihiya sa mga biyaya isa silang manipestasyon ng gantimpala na binibigay sayo, mapa suliranin o tulong matuto kang tumanggap ng mga ito lalo na ang mga alok na pagkain. Kailangan mong kapalan ang mukha mo at matutong hindi tumanggi sa mga binibigay sayo.

Pang anim: "do the slice and dice"

 - ang mundo ay hindi isang malaking komedya na may mga sumasayaw sa beach pagkatapos, o kaya ay isang telenobela na may maghahalikan sa huling parte ng palabas. Marahas ang mundong ito at hindi ito nakukuha sa mga "word of motivation" nila paulo coelho, mitch albom at kung sinu sino pang manunulat na nagbibigay ng mga positibong daan ng buhay, kailangan mong maging realistic at isabuhay ang mga bagay na alam mong hindi mo na mababago

Pampito: "huwag mauubusan ng Joke"

 - Ito ang pinakamahalaga sa lahat ang "pagtawa", kailangan mong maging masaya gaano man kabigat ang sitwasyong kinakaharap mo. Pasayahin ang iba o ang sarili para hindi mawalan ng composure, yan ang sikreto para tumagal sa kalunus lunos na buhay sa mundong ito.

 Saglit ko lamang nakasama pero parang isang dekada kong naging maestro sa pitong aral na iniwan niya na bumuhay sakin sa industriyang pinasok ko.

edit post

Light to my Cigarette

Posted on 9:25 AM, under

0


i need to light my cigarette
puff away the cloud in my head
look back on my memoir and regret
for the things that i should do instead

i need to light my cigarette
to forget the words that she said
the first day that we have met 
and it’s last that i totally dread

i need to light my cigarette
keep calm and lie down on my bed
a heart filled with anguish and fret
will rest with tears that are unshed

i need to light my cigarette
whisper my prayer for the dead
smoke comes up a message has sent
finally it comes to an end


edit post

Mabuhay ang Demokrasya!

Posted on 11:42 AM, under

0
        Ang "Demokrasya" ang pagkakapantay pantay, isang uri ng pamahalaang nagbibigay sa mga nasasakupan nito nang kalayaan, kapangyarihan at karapatang:


  • Kapangyarihang bumoto ng mga pulitikong magagaling kumanta, sumayaw, mangako at higit sa lahat maganda magbigay ng presyo sa boto.
  • Kalayaang mag cutting classes.
  • Kalayaang mag DOTA magdamag.
  • Kalayaang mag SWAG
  • Kapangyarihang piliin ang hindi na mag aral at makipag sapalaran na lamang sa pagiging tambay.
  • Karapatang maghapong manood ng drama sa TV
  • Karapatang bumuo ng Fans Club ng mga Artista.Matutong magbasa at magsulat para gumawa ng mga placard at streamers para sulatan ng mga pangalan ng paborito nilang love team. [example Kiara and Kenneth: KI-KE Loveteam]
  • Kapangyarihang mag text vote para manalo ang paborito nilang contestant sa isang talent show
  • Kalayaang mag post sa Facebook ng "here at the fort in the middle of the road bleeding been hit by a car #ouchbaby"
  • Kalayaang mag post ng picture sa Instagram ng mga:
  • mamahaling pagkain
  • pag "chill" sa mamahaling bar sa Taguig/Timog
  • itsura ng mga CR na mapupuntahan
  • Kalayaang Maglasing, Mag-adik at Magmarunong
  • Kapangyarihang hindi makielam.Kalayaang mag tweet kung gaano na katraffic sa edsa at kung gaano kabaho yung putok ng katabi mo sa MRT/LRT
  • Karapatang malaman ang: 
  • Relationship Status ng Kasalukuyang Presidente.
  • Update sa mga nag aaway na artista sa twitter
  • Update sa mga mall tour ng paborito nilang Love Team
  • Kung magkano na ang pot money ng Lotto
  • at higit sa lahat kalayaang sisihin ang Gobyerno sa lahat ng pagkakamaling nagawa mo. 
Ganyan ang kapangyarihan at lakas ng demokrasya, kung saan walang pipigil sayo, sa mga kilos at gawain mo... malaya ang bansang kinsasadlakan mo... maari mong gawin ang iyong naiisin... isipin mo na lang kung ang bansa natin ay hindi demokratikong bansa, marahil ito ang maaaring mangyari kung tayo ay kabilang sa bansang walang kalayaan:
  • Ang kumpanya na nagsusupply ng kuryente ay pag mamay-ari ng isang pamilya o kaya pribadong sektor.
  • Yayaman lalo ang mga mayayaman kasi magagawa nilang umiwas sa mga obligasyon nila sa buwis.
  • Malulubog sa utang ang mga may kaya sa buhay kasi hindi sapat ang sinasahod nila sa trabaho
  • Tatakutin ng mga mahihirap ang may kaya sa buhay, pinapakita na kapag hindi sila nag trabaho eh ang katayuan ng mga mahihirap ang kahihinatnan nila
  • Kukulangin ng mga gamot at serbisyong pangkalusugan sa mga pampublikong ospital.
  • Hindi sapat at ayos ang mga suportang edukasyon ng gobyerno at tataas ang porsyento ng mga hindi nakakatapos ng pag aaral.
  • Sisisihin ng kasalukuyang administrasyon ang mga pagkukulang ng dating administrasyon.
  • Ipagwawalang bahala na lamang ang mahihirap at hayaan silang mamatay.
  • Ang media ay magkakaron ng adhikaing nagpapakita na sila ay malaya sa pagpapahayag ng katotohonan pero palihim na nakikipag negosasyon sa mga matataas na tao para hindi mailantad ang kamalian nila sa publiko.
  • May mga banta ng terorismo at handang patumabahin ang kasalukuyang administrasyon.
  • Mga nakaka antok na talumpati ng mga politiko tungkol sa polisiya na gusto nilang ipatupad para sa pansarili nilang interes.
  • Nagkalat ang pananakit ng mga mga awtoridad at pag abuso sa kapangyarihan. 
Kaya mabuti na lamang at tayo ay kabilang sa bansang may demokrasya... It's more fun in the Philippines talaga. Mabuhay ang Demokratikong Bansa at nawa'y magpatuloy pa ang Kalayaan natin... 




edit post

PAGKAKAIBA at PAGKAKATULAD

Posted on 10:45 AM, under

0

kahit kelan hindi to naging sa pagitan ng

Pop o RC

Mani o Kornik

Toyo o Patis

Pula o Puti

Tama o Mali

Kaliwa o Kanan

Tondo o Cavite

Umagang Kay Ganda o Unang Hirit

24 oras o TV Patrol

Willie Revillame o Joey De Leon

GMA o ABSCBN

Mayaman o Mahirap

Naaapi o Nangaapi

Marcos o Aquino

Administrasyon o Oposisyon

Babae o Lalake

Islam o Kristiyanismo

ito ay naging sa pagitan ng PAGKAKAIBA at PAGKAKATULAD... binuhay tayo sa sistema kung saan tayo hinahati... hinahati ng mga pulitiko, media at ng iba't ibang paniniwala... hinahati tayo sa pagkakaiba ng Kasarian, Paniniwala, Pagkaing dapat kainin, Lahi at mga bagay bagay na maaring pag ugatan ng walang kamatayang pagtatalo... lagi tayong hinahati, pinaghihiwalay at pinag aaway sa kadahilanang sila ay natatakot sa potensyal na kapangyarihan na meron tayo pag tayo ang nagkaisa...

edit post

Ang Dakila Dila (Uno)

Posted on 12:06 PM, under

0

galit ka sa gobyerno mo, galit ka sa mga pulitiko
bakit hindi ka tumingin sa salamin, hipokrito
mga hinaing at masasakit na salita'y binibitawan
sa mga namumuno sa bayan mong sinilangan

 pero hindi mo ba napapansin sa iyong sarili
gawain mo lamang ay magturo gamit ang daliri
sisi ay ibinabato sa mga kurap na nanunungkulan
sila ay nariyan dahil din sa iyong kapabayaan

 ikaw ang dahilan bakit may mga taong nanlilimos
kung bakit ang kasadlakan sa bansang ito ay lubos
ikaw ang dahilan kung bakit marami ang nagtitiis
sa bayang napuno na ng mga lungkot at paghahapis

 ang tanging nais mo lamang naman ay magbigay puna
pagpapahalaga mo sa bayang ito ay tila kaduda-duda
bawat kilos ng pamahalaan ay binibigyan ng pansin
ngunit sa iyong sarili hindi mo din alam ang dapat gawin

 sa susunod na halalan ay wag kanang magtaka
kung sila parin ang mga nakikita mong bumibida
sa katangahan mong hindi pagboto para sa pagbabago
napipilitang magdesisyon ang nauuto at ang mga bobo

 mga bagay na iyong ipinaglalaban at iyong isinisigaw
hindi mabibigyang katuparan kung hindi ka gagalaw
magningas ka na parang apoy at bigyan sila ng ilaw
hindi ka magiisa, magkatulong tayo ako at ikaw

edit post

Let's Play Pinoy Henyo!

Posted on 6:46 PM, under

2
Timer Starts Now...

P1: Tao?
P2: Hindi

P1: Hayop
P2: Oo!

P1: May pagpapahalaga ba ito sa Edukasyon
P2: Hindi, Mas mahalaga ang Facebook sa kanila

P1: Eh sa Kultura natin?
P2: Hindi, Busy sila sa mga Tweet ni Kris Aquino

P1: Kilala nila si Kris Aquino?
P2: Oo, Sa kanya umiikot ang mundo nila

P1: May pagpapahalaga ba ito sa Kabataan?
P2: Oo, Kaya likas sila ng mga ito Sabi kasi ng Simbahang Katolika, Biyaya daw ito ng Diyos kahit na Salat sila sa Biyaya

P1: Eh sa Showbiz?
P2: Oo, lalo na pag Love Team

P1: Eh sa Telenobela?
P2: Oo, lalo na pag Love Story

P1: Kilala ba nito ang Pambansang Bayani natin?
P2: Oo, Si Manny Pacquiao daw...

P1: Eh Pambansang Dahon?
P2: Oo, Marijuana

P1: Eh Pambansang Hayop?
P2: Oo, nagkalat sa Kongreso

P1: Eh Pambansang Beer?
P2: Oo, Red Horse Hindi na Beer na Beer

P1: Eh Pambansang Ina?
P2: Oo, Si Ai ai

P1: Eh Pambansang Tagapagligtas?
P2: Oo, Si Willie Revillame (Sumayaw ka lang ng Konti may pera ka na)

P1: Tanga ba ang mga ito?
P2: Oo, Pero hindi nila alam

P1: Bobo ba ang mga ito?
P2: Oo, kasi hindi nila alam na Tanga sila

P1: Tahimik bang namumuhay ng mga ito?
P2: Hindi, Gabi gabi silang nagvivideoke

P1: Malaya ba ang mga ito?
P2: Oo, daw kasi Maraming Beses silang nag People Power

P1: Pinagkalooban ba ito ng malinis na Inuming Tubig?
P2: Hindi, Kailangan Pakuluan

P1: Eh Murang Kuryente?
P2: Pwede, pag Ilegal ang Linya mo

P1: Mura at Mataas na Kalidad ng Edukasyon?
P2: Hindi, Row 1 lang ang natuturuan

P1: Maayos na Pabahay?
P2: Hindi, Mas marami paring Squatter

P1: Mataas na Pasweldo sa Maliliit na Manggagawa?
P2: Hindi, Hanggang 13.25 lang daw ang itataas

P1: Marami bang Namamatay sa baha tuwing kasagsagan ng Malakas na Bagyo?
P2: Oo, Lalo na pag nakinig sila sa Maling Balita

P1: Eh sa mga nasusunog na Bahay sa Squatter's Area?
P2: Oo, Gawa ng Pagpapabaya sa mga Naiiwang Nilulutong pagkain o kaya eh Ilegal na linya ng Kuryente

P1: Marami bang namamatay na ganito sa Aksidente sa Kalsada?
P2: oo, Kasi laging Lasing

P1: Eh sa Himpapawid?
P2: Oo, Lalo na mga Sundalo kasi Panahon pa ni Mahoma yung gamit nilang Sasakyan

P1: Eh sa Karagatan?
P2: mas lalong Oo! Kasi Nakikinig sa Maling Balita

P1: Boss ba sila nung tiga Palasyo sa Mendiola?
P2: Oo, Kahit na yung Unggoy na yun eh Masagana ang Buhay

P1: Sunud-sunuran ba to sa Simbahang Katolika?
P2: Oo, yung mga kasapi nila

P1: Bumoboto ba ang mga ito?
P2: Oo, Para may Nabebenta sila

P1: Nauuto ba sila ng Mga Politiko?
P2: Oo, Kasi daw idadaan daw sila sa daang matuwid

P1: Naabuso ba ang mga mangagawa nila na naghahanap buhay sa labas ng bansa?
P2: Oo, tinitiis na lang para mas malaki ang sweldo

P1: Natuto na ba sila sa kanilang pagkakamali?
P2: Hindi, kasi hanggang ngayon Bobo parin sila

P1: Magiging Masagana na ba ang Buhay nila sa Administrasyong ito?
P2: Hindi, kasi hindi na sila natuto...

P1: Alam ko na ang sagot....
<*Time is Up!*>


edit post

Relationship Status: Taken... for granted

Posted on 7:02 PM, under

0

"Sometimes, there are moments that I feel I want to give away everything I have. Then I will realize what was truly important to me and what was not."
- Yujin Yoshimura

Nagpanting ang natutulog kong kamalayan ng minsan kong nabasa yang sinabi ng Schoolmate kong Hapon, parang minsan gusto niyang sirain ang lahat ng pag mamay-ari niya mapa materyal o di-materyal na bagay malaman niya lamang ang kahalagahan nito. Ano ang gusto niya iparating? mayroon siyang bagay na hindi napapahalagahan, "TOOK FOR GRANTED" sa ingles o sa tagalog eh "BASTA NA LAMANG NANDYAN AT HINDI NABIBIGYAN NG KAHALAGAHAN". Maari mong iapply sa maraming aspeto ang ganitong pag uugali, pero  kung sa pahanon ngayon na ang perspektibo ng tao makarelate sa drama ng TELEBISYON, Pocket books at mga walang kamatayang payuhan sa radyo ilalapat na lang natin ito sa "PAG-IBIG". 

Shet! pag-ibig "TAKEN FOR GRANTED" diba nakakabadtrip yan? yung mga taong walang commitment, walang "WORD OF HONOR", yung mga taong matitigas ang mukha na magsasabi nang "Peksman mamatay man ako" (Siguro kung nagkakatotoo yang "mamatay man ako" na salitang yan, wala na tayong problema sa Population Control No Need to Pass the RH BILL). 

pag naging sila na kasi ayun ok na at pwede na ulit silang:

- Manligaw/Magpaligaw sa Iba at magsalita ng Peksman (Tang inang Peksman yan)
- Magpapicture na may yakap yakap na opposite sex(well kung hindi naman sa lalagyan ng malisya.. pero panu kung meron?)
- May mga ibang kinakalantari sa Social Media
- May mga ibang ka-chat
- May mga ibang ka-text
- Kapag nahuli eto ang isasagot:
  " ________ ko lang yan" (Pumili sa ibaba ng sagot)

(Kaibigan/Classmate/Officemate/Pinsan/Pamangkin/Apo/Apo sa tuhod/Apo sa Talampakan/Aso/Aso ng kapitbahay/Pusa/Katulong)

Tapos kapag hindi naging effective ang sagot niya, magkakaron ng defense mechanism na kunyari magagalit, maninigaw, manunumbat at sasabihan ka ng "sakal na sakal na ako sayo wala na akong kalayaan", sabay makikipaghiwalay na parang nagtapon lang ng upos ng sigarilyo. Ang galing diba? nakakatarantado? Hindi man lang naisip na pinahahalagahan mo kung ano yung meron kayo, Mauuwi lang sa salitang "it's not about you, it's about me". nakakaputa diba? nagtiwala ka, binigay mo lahat ng pasensya, pinipilit mong ilaban yung relasyong nawawala, pero nakikita mo na hmmmm... ewan

"pahalagahan natin ang mga taong nagmamahal sa atin... madalas kampante tayo na di mauubos ang pagmamahal na iyon o di mawawala ang mga taong nagmamahal sa atin... pero me mga taong napapagod din... nagsasawa din... hindi dahil sa hindi tayo mahal... kundi mahal din nila ang sarili nila..."

- Unknown Author

Ang pagbibigay ng pagmamamahal ay maari mong ihambing sa katapangan ng isang mangingisda, pumapalaot sa Karagatan na walang katiyakan kung mapayapang makakabababalik sa pamilya niya. Ang pagbibigay ng pasensya naman ay maihahalintulad sa isang magsasaka na masalantaan man ng bagyo ang kanyang mga ani umaasa parin na magiging maayos din ang lahat. Pero kahit na kasing tapang nila si Sen. Miriam Santiago o kasing haba ng EDSA ang pasensya nila, tao parin silang maituturing nasasaktan at napapagod din. 


"I have learned that some of the nicest people you’ll ever meet are those who have suffered a traumatic event or loss. I admire them for their strength, but most especially for their life gratitude - a gift often taken for granted by the average person in society."

- Sasha Azevedo
(Maganda yung quotes niya maganda din yung pangalan niya kapangalan niya yung favorite PornStar ko si Shasha Grey)

Saludo ako sa mga taong sumabak sa relasyon at napagwalang bahala, kumbaga sa Ingles eh ang "Relationship Status" eh "TAKEN... for Granted". Maaaring nawawalan na kayo ng tiwala at pagasa pero darating din ang araw na may taong magpapahalaga sa inyo yung mga taong magaalaga sa inyo, yung mga taong nakakaintindi ng salitang commitment at yung mga taong madaling utusan bumili ng suka, patis, toyo o kaya mantika yung isang tawag lang nandyan na at kakakawag kawag ang buntot. Dahil darating ang panahon yung mga taong minsang pinabayaan kayo ay magkakaron ng malaking kawalan kasi nga sabi nga ng Idol kong si Iris Murdoch:

"There is no substitute for the comfort supplied by the utterly taken-for-granted relationship."

Binigyan tayo ng Diyos ng emosyong pag-ibig hindi para magkalat lang ng lahi, magmotel at ipag malaki na madami kang tao na nauto sa pagsabi ng "Peksman Mamatay man ako ikaw lang ang mamahalin ko". Binigay to sayo para magawa mong pahalagahan ang mahal mo, ipakita sa kanya na bawat detalye ng pagaaruga at kalinga niya ay may kabuluhan at... at... sumayaw na lang tayo para matapos na tong usapan na to...

edit post

Health Advisory - Today's Philippine TV can make you stupid

Posted on 9:57 PM, under

0
Educational and Entertaining? Nasan na nga ba sila ngayon?

Tulad ng ibang bata na may magulang na nagtatrabaho sa ibang bansa, lumaki ako sa lolo at lola... sila ang nag-alaga sakin at di tulad ng ibang nagaalaga hindi ako pinalaki sa Telebisyon kahit may TV kami noon sa kapitbahay parin ako nanunuod yung mga palabas nung mga bandang alas 10 ng umaga sa channel 2, yung kampanya nila sa "knowledge channel" naging effective siya noon maraming batang natuto sa Sineskwela, Mathinik, ATBP(Awit Titik at Bilang Pambata), Hiraya Manawari at Bayani, sabayan pa ng mga animated cartoon na hango sa mga klasikong libro ang "Princess Sarah", "Little Lord Fauntleroy (Prince Cedie)", "A Dog of Flanders", "Nobody's Girl (Remy)", "Heidi", "The Black Brothers (Mga Munting Pangarap ni Romeo)", "Peter Pan", "Snow White", "Cinderella" atbp.

Pero sa panahon ngayon tila nawala na yata sila mas nabigyang halaga na ang mga buhay ng mga artista at pinaguusapan na sila ngaun, nagkaroon nga ng mga animated cartoons pero hindi gawang atin hindi nito tinuturo sa mga bata kung anu ang "balut" ang mga pambansang prutas, hayop, puno, bayani at ang Alpabetong Pilipino. 

Tanging sa loob na lang talaga ng silid aralan ito naituturo, ituturo sa isang silid na may apat na pung upuan at nagkakasya ang anim na pung magaaral. Nagtitiis sa init at sikip ng silid aralan, nagtatiyaga isang electric fan dahil sira ang isa. Maiingay, Magugulo at Tanging ang mga nasa harap lang ang natututo. Makikinig sa teacher na hindi natatapos ang leksyon kakasaway sa mga batang malilikot at maiingay.


"Educational and Entertaining" yan yung naging krusada dati ng batibot maihatid sa bawat kabataan ang karunungan na nakakaaliw, Naging makapangyarihan instrumento ang telebisyon kaya ginamit ito ng batibot para gampanan ang obligasyon ng mga magulang at guro na ituro ang mga may napupulot na mahahalagang aral sa pamamagitan lamang ng mga kanta (alin ang naiba, pag gising sa umaga, kung hindi pwede). Nawala sila tulad ng lahat ng bagay na nililipasan ng panahon nakakalungkot isipin, kung anu pa yung nakakapagbigay kasiyahan sa kabataan para matuto magbasa, magsulat, magbilang, maging responsable at maging magalang eto pa yung nawala. 

Tila naging mas mahalaga pa ang pagpapakita ng mga talento sa pagsasayaw, pagkanta at pagkain ng bubog kesa gawing magalang ang mga bata. Mas naging ok pa na pagusapan ang mga tweet ng artista at kung anu ano ang ginagawa sa pang araw araw kesa sa magbigay ng kaalaman. Nakakatakot isipin na darating ang panahon magaaral na lang ang kabataan para lang matapos ng elementarya at hayskul para lang makasali sa mga gameshow at manalo at yumaman. iaasa ang kinabukasan sa mga palaro sa telebisyon.

Magiging paawaan ang sistema, papangitan ng bahay, paliitan ng sahod at pahirapan ng buhay. sa ganitong sistema ba naeentertain ang tao? sabagay gawain naman ng plipino ang maawa siguro katanggap tanggap na maentertain ang mga tao dito. kapupulutan ba ng aral? pwede matuto sa pagkakamali ng iba. pero ang tanong pano mo ba magagawang hindi matulad sa kinsasadlakan nila? Edukasyon? wag na lang... magpractice ka na lang sumayaw o kaya pagaralang lumubid sa alambre para makasali ka sa mga talent shows pero make sure na Gwapo ka at marunong kang magpaawa para makuha mo ang boto nila.

Sa panahon ngayon malaki na ang naibigay na kontribusyon ng telebisyon sa pag unlad natin... (pag-unlad saan? sa drama ng tele nobela?) at pagtulong sa pag angat ng moralidad ng bawat mamayan (nagkaroon ba tayo ng moralidad? teka meron ba talaga tayo nun?).

edit post

Ang Diksyonaryong GIL

Posted on 8:17 AM, under

0
Maliban sa paghilik, pagdadabog ng Mesa at pagmumura meron ding mga salitang naituro sakin si Gil Concepcion mga salitang sa kanya ko lamang narinig mga salitang tipong magtatanong ka ng bakit naging ganun

TAGALOG - Kapag nababagalan sa pagkilos oh kaya ay mabagal ang andar ng PC..


JULIE ANDREWS - Kapag nakakahuli ng mga taong lumalabag sa batas na pinatutupad niya <*lalong lalo na yung mga alaga niyan OJT :P*>


TS / SP04 - No Comment No Comment
No Comment No Comment No Comment <* ako nagSulat nito kaya d ko pdeng isalang ang sarili ko kaw na lang bida para masaya*>

MILO - nagmamarunong sa mga comics, anime, star wars at kung anu anu pang movie trivia's kapag ganyan ang ugali mo para kay GIL isa kang nerd, geek at bida bida na iniisip na alam ang lahat.


HILARY CLINTON - Sinasabi niyang madalas kapag wala siyang tulog at nahihilo



TIVOLI - tawag niya sa mga tomboy na nakadamit lalake at maangas pa sa sakanya ang lakad


TIMYAP - <* hindi man sa kanya galing pero lumalabas parin sa bibig niya *> kapag nakakakita ng chicks na maarte pero mukha naman nakulam o nabarang ang mukha


BANTS - Mabahong tignan ang isang tao at madalas sumisigaw ng "yung presentation ko!!" yung ang tawag dun


Blagaggagagaghhhh! - hindi yan galing sa bibig niya... tunog yan ng mesa na hinampas niya


PUMOFLORANTE LIMPIN - dumidiskarte sa chicks pero hindi yung manok... yun tipong mga seksi at mahahaba ang buhok... 


QUICK BITES - gawain ng mga mag syota sa motel na may 3 hours time range


ARE YOH REDE? - Senyales ng Happy Hour nangyayari ng 4 ng hapon sa WSI <* ang Happy Hour ay ang oras ng paglalaro namin ng dota sa loob ng IT ROOM *>


CARRY ON - sinasabi habang binubuksan ang pinto ng IT Habang ang mga tao ay nasa Happy Hour


ZzZzZz <* Malakas na Hilik *> - ginagawa niyang madalas pag tulog madalas naririnig sa Nap Room

edit post

R U A Phil. Presidensyabol?

Posted on 8:38 AM, under

0
   Mula sa natatagong yaman ni Makoy, sa Repormang palupa ni Nanay, sa overprice na Clark Centennial Expo ni Mr. Tobacco, sa compulsive na pagsusugal ni PARE, sa Ganid na pamilya ni Madam, at sa mamahaling kotse ni Mr. Bachelor... 
    Noong buhay pa ang website ng bobong pinoy may exam dun kung qualified ka ba para maging "PRESIDENSYABOL" isang maikling pagsusulit na susukat sa kakayahan mo at para malaman kung sinilang ka ba sa mundo para maging presidente, pero sa pananaw ko (lagi namang pananaw ko) may mga primary requirements para maging presidensyabol eto ang mga sumusunod na propesyon na maari mong pasukin bago ka sumabak sa karera ng pagiging Presidente:

  1. Waiter - kapag pinatakbo mo ang bansa natin kailangan mong pakinggan ang lahat ng hinaing ng taong bayan, tulad ng isa Waiter na kuha lang ng kuha ng order ng customer. Lahat ng yan gagawin mo at kailangan matapos mo yan sa lalo't madaling panahon dahil pag hindi mo nagawa magwawala sila at maari ka nilang tanggalin sa trabaho. Wala silang pakielam kahit na sila mismo kayang gawin ang inuutos nila basta ipapasa sayo at siyempre ikaw ang sisisihin sa huli.
  2. Genie in da Lamp - Dapat marunong kang tumupad ng mga wish at pangako dahil tulad ng isang Genie na nasa lampara alipin ka nila, dapat marunong ka din mag magic. gawin ang imposible at pag hindi mo nagawa tatakutin ka nila at wala kang magagawa kundi lumaban sa kanila pero wala ka paring magagawa kasi sila parin ang masusunod talo ka at panalo sila.
  3. Corporate Employee - karamihan ng mga Boss naglalagay ng mga tao sa isang partikular na posisyon para ipasa ang responsibilidad nila dito, nang sa gayon pag hindi na kinaya ng nakuha nila walang puso nilang tatanggalin at papalitan. kapag nagkaron ka na ng ganitong karanasan kahit hindi mo na kailanganin pang maging Genie o kaya eh Waiter. sapat na ito para pasukin ang karera bilang presidente.
Kapag may Experience ka na sa mga propesyon na yan, good to go ka na bilang Presidente, dahil ang magiging Boss mo, mapanuri, mapangutya, at walang kakayahang intindihin ang sitwasyon mo, hindi nila naiisip kung nahihirapan ka na ba at kailangan mo na ba ng tulong. Hindi din nila naiisip kung ano ba ang maari nilang maitulong para gumaan ang trabaho mo, bagkus titignan ka nila at pupunahin lahat ng kilos mo. Kapag may nagawa kang tama sasabihin nila na kulang, pag may mali kang nagawa uulanin ka ng batikos at papalitan ka na lamang nila, para bang nasirang gamit na itatapon na lamang pagkatapos pakinabangan. 

Sasabihin nila na sila ang nagdurusa at ikaw ang nagpapakasasa sa rangya ng buhay, sila ang kawawa sila ang naghihirap, hindi makaahon sa buhay na kinasadlakan nila dahil sayo! ikaw ang may kasalanan ng lahat. Gagawa sila ng imahe mo para batuhin ng kamatis, lagyan ng sungay at sunugin sa harap ng lente ng mga media na pinagkakakitaan ang ginagawang pagpapahiya sayo. 

ikaw ang may kagagawan kung bakit wala silang trabaho dahil hindi mo sila mabigyan, ikaw ang dahilan kung bakit nagugutom ang pamilya nila dahil ayaw mo silang ihanap ng pagkain, ikaw ang dahilan kaya mang mang sila dahil ayaw mong ituro ang pinaka madaling daan sa karunungan. Dapat lahat binibigay mo, dapat lahat kaya mo kasi ang buhay nila ay ang pagasa na lamang sayo...

kapag nagawa mo nang gampanan yan pwede ka nang Presidente

"The Truth will set you free but it will piss you first" - nakuha ko lang sa YM yan nabasa ko

edit post

Bugbog nanaman ang Pilipinas

Posted on 8:42 AM, under

0
Bakit ganun? Ansama sama ng tingin satin ng ibang bansa kapag napapahamak yung mga kababayan nila dito sa pinas, pero kpag may mga hinaing tayo tulad ng mga manggagawang pilipino na naabuso sa ibang bansa, nagiging sex slaves, minamaltrato at ginagahasang katulong, nadedelay na pasahod ng mga employer, pagdukot ng mga pirata o terrorista sa mga pinoy na naghahanap buhay at iba pang suliranin na hinaharap ng mga OFW sa kani kanilang bansa ehhh

Masakit masabihan ng "disappointment", masakit din marinig at malaman na may nagsasabing "wag kayo pupunta sa bansang to... kapag nawalan ng trabaho yung pulis dito dumudukot at pumapatay ng dayuhan" at lalong lalo napakasakit yung madadamay yung iba nating kababayan sa ibang bansa na walang kinalaman at tahimik na naghahanap buhay...

Nakakalungkot yung pangyayari kahapon hindi ito biro isa itong malaking kahihiyan sa ating kapulisan... mamahayag... sa ating bansa at pati narin sa atin tulad ng ginagawa ng mga kolokoy na to:


Hindi ko alam kung anong meron at napili nilang tourist attraction to... meron din bang nagsasabi dito na "dito po sa Bus na ito ay may namatay na dayuhan dahil sa may pulis na nawalan ng hanapbuhay at binihag sila umayos po taung lahat para sa picture taking at wag kalimutan mag smile"

Balik tayo sa usapan... uunawain ko ang nararamdaman ng ibang bansa sa pangyayari... ang bansang pilipinas ay may mataas na porsyento ng mga katoliko kaya mataas ang pagpapahalaga namin sa buhay ng bawat tao... halos madurog ang puso ko ng malaman ko yung pangyayari ang inaalala ko yung mga namatayan ng kamag anak na walang kinalaman sa suliraning hinaharap ng isang indibidwal na nawalan ng hanapbuhay... inaalala ko rin yung Pulis na nandukot naging masama man ang ginawa niya kapatawaran na rin ang binibigay ko para sa kaluluwa niya at sa pamilya niya... at ang huli ay sa mga kababayan natin na nasa ibang bansa lalo na sa hong kong wag sana silang mapagbuntunan ng galit dahil wala naman silang kinalaman sa pangyayari...

Bakit naman napakainit ng paningin nila satin? pero kapag tayo ang nagbukas ng isyu tulad ng mga nasabi ko na sa itaas mga pangaabuso na dinanas ng mga kababayan natin sa kamay ng mga banyaga nilang amo parang wala lang... oo may mga pagkilos na nangyayari pero meron parin akong nababalitaang umuuwi dito sa pilipinas ang dala lang ay luha at hinagpis mula sa impiyernong minsang kinasadlakan nila... mga kababaihan na nasira yung simpleng pangarap na makapagbigay ginahawa sa pamilya nila at mga kahon na may malalamig na bangkay sa loob...

Si Flor Contemplacion, Si Angelo Dela Cruz, mga Tripolanteng Pinoy at iba pa ... minsan na rin silang naging biktima ng karahasan ng mga dayuhan at mayroon paring mangilan ngilang nagiging alipin at nakararanas ng pagmamaltrato... wag naman sana nilang sabihin na wala tayong kakayahan para proktektahan ang mga dayuhan bumibisita sa ating bansa... dahil kahit naman sila hindi ganun ka perpekto ang kakayanan nilang pangalagaan ang mga kababayan nating nasa puder nila... bow...

edit post

dekada nubentang bida sa telebisyon...

Posted on 9:56 AM, under

0
May napansin ako sa FB yung isang image dun na nagsasabi na kung batang 90's ka kilala mo sila shaider.. bio man at mask man... naalala ko tuloy noong maliit pa ako although di ko namasyado matandaan ang lahat (epekto siguro ng paggaya ko kay shaider na laging natalon ng paatras sa building na ginagawa ko sa sofa namin at ikina uuntog ng ulo ko sa sementong pader) hindi ko akalaing mapalad din pala ako kasi isa ako sa mga batang inabuso ang kanilang kamusmusan ng telebisyon eto ang mga sumusunod na palabas na naalala ko d ko na masyado matandaan yung iba kayo na lng bahalang mag dagdag...

  • Shaider Pulis pangkalawakan
    • kung hindi mo nakilala si alexis at nasa edad 23 - 30 ka na ngayon aba medjo maawa ako sayo dahil hindi mo alam ang kantang "umshiki-shiki ni Kuuma Ley- ar"  at hindi ka nakakita ng  higanteng baril at motorsiklong niraradyo tulad ng "Blue Falcon" at "Babylon" at ang higit sa lahat isa siya sa mga pulis na may mabagsik na side kick si annie(ahhhhhhhh) hindi mo na enjoy ang kabataan mo dahil hindi mo nakita to...

      Note: hindi yan ang reason ko dati kung bakit ako nananood ng shaider dati.. idol ko lang talaga si alexis madalas ko lang napapansin yan

  •  Mask Man
    • kung sabayan lang sa kanta isa ito sa mga bigatin madalas ko sinasabayan yung opening nito... "SIGE SUGOD LABAN Mask Man ipagtanggol ang kapayapaan" minsan nga sinubukan tong ikanta sa Music Lesson namin nung grade four bigla akong napagsabihan ng teacher ko puro daw ako TV at nang malaman ni Ermat sinusian ako sa tagiliran ayun dun ko nalaman na nanonood din pala yung teacher ko ng Mask Man at hindi magandang gamitin ang Opening Music sa Music Lesson masakit sa tagiliran
  • Mask Rider Black
    • Eto ang pinaka Astig sa lahat inaamin ko namolestiya nito ang murang kaisipan ko mula sa pagpapatunog ng buto sa kamay pagwawasiwas at sisigaw ng "RIDER CHANGE" at magpapalit ng anyo ng isang mamang may helmet na mukhang bangaw... sabay tatalunin ang kalaban gamit ang RIDER PUNCH at RIDER KICK... madalas may naoopis samin dati gawa ng paggaya sa rider kick at rider punch yung iba kasi pumuputok ang nguso pagkatapos ma rider kick o rider punch tapos may darating na magulang na gugulpi sa kanila... <*Music Cue Kapag may natatalong kalaban si Mask Rider Black "tenenentenenenetenenenetenenentenenennenen"*>
  • Bioman
    • Kung Formation, Kulay, at Synchronization lang ang labanan walang tatalo sa mga to... astig din ang Opening nila pero balik tayo sa team up nila.

      bioman Pictures, Images and Photos

      alam na alam nila kung san pupuwesto at kung ano ang gagawin nila... pwedeng pwede silang mga dancer, atleta at matitinong goverment officials sa linis at ayos ng galaw nila... dati nga may nakaaway ako sa lugar namin habang naglalaro ng kunwariang bio man kasi pinipilit niya siya si blue three eh gusto ko ako si blue three pero di ako nakapalag kasi mas malaki siya sakin kaya pinili ko na lang si yellow four na may halong sama ng loob
  • Machine Man
    • Nababaduyan ako sa bidang to pero ang totoo sinusubaybayan ko parin siya kahit na ang sidekick niya eh bola ng base ball na ang laging gawain eh umiyak kpag binabato... kahit na mukhang geek yung bida... kahit na plastik ang kapa nito... at lalo na sa lahat kahit na parang siyang may hydrosepalus kapag suot niya yung helmet niya
  • Ultraman
    • di ko masyadong tanda si ultraman maliban na lamang sa pagiging mukhang isda niya  at paglolowbatt ng ilaw sa dib dib niya naging trend narin namin nung bata ang pag lagay ng tansan sa dibdib at maging si ultra man habang tinitira ng ultra beam yung mga asong nakatali at tumatahol samin...  
kung hindi ko man naidag dag yung iba na alam ko nangangahukugan na hindi ko na appreciate yung kwento, magagarbong entrance at exageration tulad ng FIve man na napakaraming robot... jet man na hindi ko nagustuhan ang storyline... at yung superhero na nakalimutan ko ang pangalan na nakacustome ng pula at binabala sa kanyon kapag susugod sa kalaban... Very Nostalgic ika nga... maswerte narin ako naabutan ko tong panahon na to d tulad ngayon na tuwing hapon ng sabado at linggo showbiz ang napapanood ko...

    edit post

    Ang EDSA bow....

    Posted on 7:53 AM, under , , , ,

    0
    Tulad ng pagsakay sa Bus walang pakielamanan... basta ang mahalaga makapunta sa dapat puntahan bayad sa kundoktor kuha ticket at ayun may sarili nang mundo... tila meron akong napansin...


    Sa Rehimen ni Pangulong Manuel L. Quezon Inayos ang kalsadang "19 de Junio" o kilala bilang "Highway 54" at mas kilala din bilang "EDSA"

    Napakalawak ng EDSA meron itong dalawampu at apat na kilometrong haba mula Pasay hanggang Monumento. Maaring umandar ang apat na bus o higit pa sa magkabilang hanay ng magkakasabay, inapatutupad ang batas ng "Number Coding Scheme"... Bawat Lugar may mga Traffic Enforcer... may maayos na Traffic Light... may malilinaw at madaling mabasa na Traffic Signs... May mga Malalaking Karatula na nagaabiso sa mga tao na "Bawal Tumawid" o kaya eh "Bawal Sumakay"...


    Ayon sa Website ng LTO meron tayong siyamnapu at pitong batas trapiko na may multang naglalaro mula limandaang piso hanggang limampung libong piso... parusang pagkakakumpiska ng lisensiya at sasakyan...


    Pero sa kabila ng mga batas, luwag ng edsa, naglalakihang mga paunawa sa mga pedestrian at motorista at dami ng mga traffic lights:

    • Mainit parin ang ulo nila manong drayber
    • May mga tumatawid parin sa lugar na hindi dapat tawiran
    • Humihinto sa sa lugar na hindi dapat
    • Nagbababa ng pasahero at nagsasakay sa hindi dapat
    • Mga bumabangga sa concrete barrier
    • Mga bulok na katwiran ng mga irresponsableng motorista na nagpapaandar ng mabilis
    • At higit sa lahat ang mga buhay na nawawala dahil sa mga aksidenteng sinasabing hindi maiwasan

    Kalahating siglo na ang nakakaraan ng mabuhay ang EDSA pero ganito parin... may nagsasabi dati na ang mabilis at maayos na transportasyon ay isang magandang halimbawa ng umuunlad na bansa... pero ang usad pagong na andar ng sasakyan sa EDSA... nagpapakita ng isang halimbawa ng mabagal na pagunlad... at hindi pagsunod ng kababayan nating pasahero at motorista sa Batas Trapiko...

    edit post